ذُكرت مرات كثيرة في القرآن
الأنعام، التوبة، الرعد، المؤمنون، السجدة، الزمر، الحشر، الجمعة، التغابن
إذا كان عالم الغيب تعني أن الله يعلم الغيب فعالم الشهادة تعني أن الله يعلم ما تشاهده
طيب ايه اللي بيميز اللي انت بتشوفه
السبب بسيط جدا
لان إدراكك للأشياء محدود جدا
وأبسط و أشهر مثال ..
هو انك لما تنظر للنجوم
فانت مش بتشوفها في مكانها الحقيقي
حتى الشمس اللي هي أقرب نجم لينا
انت بتشوفها في المكان اللي كانت فيه من ٨ دقائق لأن آشعتها بتحتاج الوقت ده عشان توصلك 
فما بالك بالنجوم الابعد
طبعا كلنا عارفين أن الكون بيتمدد
وديه أثبتها علماء الفيزياء
و ربنا ذكرها في القرآن من اكتر من ١٤ قرن
(وإنَّا لموسوعون) الذاريات ٤٧
حجم الكون شاسع جدا لدرجة أن العلماء استخدموا وحدة لتحديد بُعد النجوم والمجرات وغيره عننا
الوحدة دي اسمها السنة الضوئية
وهي المسافة اللي بيقطعها الضوء في سنة
تقدر تحسبها؟
الضوء بيقطع مسافة ٣٠٠ ألف كم في الثانية الواحدة .. تخيل!؟
هات كده الآلة الحاسبة واحسب معايا
٣٠٠,٠٠٠ كم
* ٦٠ ثانية 
* ٦٠ دقيقة 
* ٢٤ ساعة 
* ٣٦٥ يوم 
معلش اصبر 
الناتج 9.4608e12 كم
٩ تريليون كم 
متخيل
متخيل يعني السنة الضوئية تعادل مسافة ٩ تريليون كم
حلو اوي
علماء الفضاء بقى بيستخدموا الوحدة دي عشان يقيسوا المسافات في الكون
فيه نجوم و مجرات بتبعد عننا عشرات ومئات وآلاف وملايين بل ومليارات السنين الضوئية 
انت متخيل احنا حجمنا ايه في الكون!؟
المهم .. انت لو رصدت نجم على بعد مثلا ٥٠ سنة ضوئية فأنت شايف الضوء اللي طلع منه من ٥٠ سنة
يعني وارد جدا يكون النجم ده انفجر وانتهى من الوجود وانت لسه بتشوف ماضيه 
ومن هنا جات فكرة السفر عبر الزمن
وهل ممكن الإنسان يسافر للماضي !!
ولكن العقبة الأولى هي انك محتاج تنتقل بسرعة أعلى من سرعة الضوء
و ده اللي نفاه عالم الفيزياء آينشتاين لأنه مستحيل تتخطى سرعة الضوء
عرفت بقى يعني ايه عالم الشهادة!
لأنك حتى النجوم اللي بتشوفها في السماء ، انت مش بتشوف واقعها ، لا انت بتشوف ماضيها 
أفلا يتدبرون !
✍️ د. سارة زغلول
تعليقات
إرسال تعليق
لا تنسوا الدعاء للموتى من المسلمين والمسلمات بالرحمة والمغفرة